د عوایدو لوی ریاست او د روغتونونو اتحادیې ترمنځ د همغږۍ ناسته وشوه
د وږې ۱۰ مه ۱۴۰۵هـ.ل
د مالیې وزارت د عوایدو لوی رئیس الحاج مولوي سفرمحمد سحر په مشرۍ، د عوایدو لوی ریاست او د روغتونونو اتحادیې ترمنځ د همکارۍ او همغږۍ ناسته د عوایدو تخنیکي مرستیال، د عوایدو د بررسۍ رئیس، د مالیه ورکوونکو د خدمتونو د وړاندې کولو رئیس او د روغتونونو د استازو په ګډون ترسره شوه.
په پیل کې د عوایدو لوی رئیس د ناستې پر اهمیت خبرې وکړې او زیاته یې کړه، چې د مالیاتو په برخه کې د عالیقدر امیرالمؤمنین (حفظه الله) له لورې روغتونونو ته ورکړل شوي تخفیفونه او اسانتیاوې د پام وړ دي او مسئولین یې باید له دغو اسانتیاوو څخه په ګټي اخیستنې خپل مالیاتي مکلفیتونه پر وخت ترسره کړي، همدارنګه نوموړي ټینګار وکړ، چې مالیه د هیواد د آبادۍ او د عامه خدمتونو د وړاندې کولو لپاره راټولېږي او ټول مالیه ورکوونکي باید د مالیاتو د ورکړې په برخه کې همکاري وکړي.
ورپسې د عوایدو تخنیکي مرستیال د عالیقدر امیرالمؤمنین (حفظه الله) له لوري په مالیاتي برخه کې د ورکړل شویو تخفیفونو او اسانتیاوو په اړه مفصل پریزینټېشن وړاندي کړ.
د ناستي په ترڅ کي د روغتونونو د مالي نظامونو (سیسټمونو)، حقیقي عوایدو او مصارفو، له نورو ادارو او بنسټونو سره د روغتونونو د قراردادونو او پروژو، همدارنګه د صحي بیمو په اړه بحث او د نظرونو تبادله وشوه، چې په پای کي د ناستې ګډونوالو د یادو موضوعاتو په اړه خپل نظریات او وړاندیزونه هم شریک کړل.
