د جینوا په کنفرانس کې د افغانستان حکومت له اصلاحي هڅو او اقدامونو څخه د نړیوالې ټولنې ستاینه

 د لیندۍ ۸مه ۱۳۹۷: د مالیې وزارت سرپرست او د زېربناوو په چارو کې د ولسمشرۍ عالي مقام ستر سلاکار ښاغلي ډاکټر محمد همایون قیومي، او د افغانستان لپاره د ملګرو ملتونو ځانګړي استازي ښاغلي تداماچي یاماماتو، د لېندۍ میاشتې په ۷ مه نېټه په ګډه د جینوا کنفرانس د ناستې پایلې د ۶۲ هیوادونو وزیرانو او ۳۵ نړیوالو سازمانونو استازو په وړاندي هدایت کړې.

په دې ناسته کې د بهرنیو چارو وزیرانو او د نړیوالو سازمانونو ټولو استازو هره یوه د ۲ تر دریو دقیقو پوري خبرې وکړې.

د ناستې ټولو ګډونوالو له فساد سره د مبارزې، او د دې هیواد د اقتصادي ودې لپاره ستراتېژي، سیمه ایزه نښلونه، د سولې پروسه، د دموکراسۍ په لوري پرمختګ، ټاکنې او د وچکالۍ او قحطۍ د ستونزو حلولو په برخه کې د افغانستان د حکومت هڅې او اصلاحي ګامونه وستایل.

همدا رنګه هغوی یادونه وکړه، چې د افغانستان حکومت له فساد سره نوره مبارزه هم کوي او د پایداره ودې لپاره ستر ګامونه اخلي ا و د وچکالۍ او قحطۍ مسئلې ته په چټکۍ سره ځواب ورکوي. په همدې ډول ګډونوال ژمن شول چې د نړیوالې ټولنې د یوه فعال غړي، سوله خوښي او پایداره افغانستان بدلېد لپاره به ملاتړ ته دوام ورکړي.

په دې ناسته کې د مدنی ټولنو استازو تراوسه پوري د پرمختګونو چې ترسره شوي دي او د حکومت د ځواب په توګه له هغوی سره خبرې وکړي.