د مالیې وزارت د دولتي شرکتونو لوی رئیس او د یاد ریاست مسئولینو د ملي پراختیا شرکت له رئیس او مسؤلینو سره تعرفي ناسته وکړله.

admin_mof
Wed, Sep 29 2021 11:26 AM
خبر

د مالیې وزارت د دولتي شرکتونو لوی رئیس او د یاد ریاست مسئولینو د ملي پراختیا شرکت له رئیس او مسؤلینو سره لیدنه وکړه او هغوی ته ئې ډاډ ورکړ چي خپلي چاري دي په عادي ډول مخته يوسي او د پخوا په شان دي خپلي ملي پروژې روانې وساتي.

د ملي پراختیا شرکت رئیس عبدالرحمن عطاش د دغه شرکت د کړنو او لاسته راوړنو په تړاو د دولتي شرکتونو رئیس ته معلومات ورکړل او زیاته ئې کړه چي د ملي پراختیا شرکت د افغانستان د پراختیا او سمسورتیا لپاره شپه او ورځ کار کوي او خپل رسالت په پوره اماندارۍ سره اداکوي.

د دولتي شرکتونو لوی رئیس د ملي پراختیا شرکت مسؤلینو ته په ټینګار وویل، چي د تېرو کلونو لاسته راوړني په هر ډول چي وي باید وساتل سي، ترڅو موږ وکولای سو ستاسو په ملتیا غوره خدمتونه وړاندي کړو او د نور پرمختګ په طرف ګامونه پورته کړي.