د افغانستان او ایران ترمنځ  په ګمرکي برخو کي مهمي هوکړي وسوې

admin_mof
Thu, Jun 23 2022 3:55 PM
خبر

د شیخ ابو نصر فراهي سوداګریز بندر کې د افغانستان اسلامي امارت او د ایران اسلامي جمهوریت د مسؤلینو ترمنځ د دوه اړخیزو سوداګریزو اړیکو د لا ښه والي په موخه ناسته وسوه، چي په پایله کي پر لاندي مواردو هوکړه وسوه:

۱: ټول هغه ټرازیټي اموال، چي د چاه بهار او بندر عباس له لارو د شیخ ابو نصر فراهي بندر ته لیږدول کیږي له دې وروسته به د کوم ممانعت پرته د شیخ ابو نصر فراهي بندر له لاري افغانستان ته صادریږي.

۲: ټول سوداګریز توکي باید اصلي منل سوي جوازونه ولري.

۳: په هغه صورت کي چي سوداګریز توکي د فراه ولایت د ګمرک ریاست او د نورم اسټډرډ ادارې له لوري بې کیفیت وپیژندل سي؛ توکي باید دوباره وګرځول سي او د ماهیرود مرزي مسؤلین دې په دې تړاو همکاري وکړي.

۴: د سوداګرو اړتیاوو ته په کتو د افغانستان ۶۰۰ باربري (ټیلر) موټرو، تګ راتګ  ته دې د رسمي او تراشیپ اصولو په اساس اجازه ورکول سي.

۵: له افغان او ایراني وګړو سره دېږي د دواړو هیوادونو خارو ته د تګ په صورت کي ښه چلند وسي.

د یادوني وړ ده، چي پورته پرېکړې د دواړو هیوادونو د مسؤلینو له لوري ومنل سوې او هوکړه وسوه، چېږي دواړه خواوې به کړو هوکړو ته ژمن پاتیږي.