د افغانستان او سعودي عربستان تر منځ د اقتصادي او سوداګریزو همکاریو د پراختیا په موخه ناسته وشوه

admin_mof
سه‌شنبه ۱۳۹۸/۶/۱۲ - ۱۵:۳۶
خبر

د افغانستان او سعودي عربستان شاهي هیواد تر منځ د اقتصادي او سوداګریزو همکاریو د پراختیا په موخه ناسته نن د وږې میاشتې په ۱۲ مه نېټه د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ په مالیې وزارت کې جوړه شوه.

په دې ناسته کې د اوبو او انرژۍ وزارت سرپرست ښاغلي محمد ګل خلمي، د صنعت او سوداګرۍ، کرنې، اوبو لګونې او مالدارۍ، کار او ټولنیزو چارو، کانونو او پترولیم، مخابراتو او معلوماتي ټکنالوژۍ وزارتونو مرستیالانو همداشان د افغانستان برښنا شرکت، د مرکزي احصائیې او د تخنیکي او مسلکي تعلیماتو خپلواکې ادارې رئیسانو او د سوداګرۍ او پانګونې خونې نخنیکي او پالیسۍ مرستیال ګډون کړې وو، چې موخه یې افغانستان ته د سعودي عربستان د سوداګرۍ او پانګونې وزیر په مشرۍ د یاد هیواد د لوړپوړي پلاوي سفر ته چمتو والی وو چې په نږدې راتلوونکې کې به راشي.

خبر

په دې ناسته کې د سولري او بادي انرژۍ، د کرنې، کانونو په ځانګړې توګه د اوسپنې او مسو په برخه کې د سعودي عربستان په پانګونې، د معلوماتي ټکنالوژۍ په برخه کې د یاد هیواد په همکارۍ، د طبي بوټو، میو او سبزیو په ځانګړی توګه یاد هیواد ته د افغانستان زعفرانو په صادرولو، په سعودي عربستان کې د دواړو هیوادونو د تولیداتو د نندارتون په جوړیدو، په ټولنیزو، کلتوري او لوړو زده کړو په برخه کې د افغانستان او عربستان تر منځ په دوه اړخیزو همکاریو او یو شمېر نورو اړوندو مسایلو بحث او هر اړخیزې خبرې وشوې.

تازه خبرونه

دوشنبه ۱۳۹۸/۱۱/۲۸ - ۱۵:۳۷
Background image

د بدخشان ولایت د برېښنا رسونې هوکړه لیک لاسلیک

د بدخشان ولایت برېښنا رسونې هوکړه لیک نن د سلواغې میاشتې په ۲۸ مه نېټه د افغانستان برېښنا شرکت او اغاخان پراختیایي بنسټ ترمنځ لاسلیک شو.

دغه پروژه په ټولیز ډول د ۹۱ میګاواټه برېښنا په. . .

یکشنبه ۱۳۹۸/۱۱/۲۷ - ۱۴:۲۷
Background image

د مالیې وزارت سرپرست د ترکمنستان د انرژۍ له وزیر سره په اقتصادي موضوعاتو خبرې وکړې

د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د ترکمنستان د انرژۍ له وزیر سره وکتل.
په دې کتنه کې دواړو لوریو د ټاپي پروژې. . .

یکشنبه ۱۳۹۸/۱۱/۲۷ - ۱۴:۱۹
Background image

د مالیې وزارت سرپرست د جایکا او پیسو نړیوال صندوق په ګډ کنفرانس کې ګډون وکړ

ټول شموله او پایداره پراختیا ته د اسیایي هیوادونو لاسرسي په موخه د جاپان نړیوالو همکاریو ادارې (JICA) او پیسو نړیوال صندوق ګډ کنفرانس د جاپان په توکیو ښار کې جوړ شو.
په دې کنفرانس کې چې. . .

BACK TO NEWS