د مالیې وزارت نوماند وزیر او سرپرست د پیسو نړیوال صندوق له تخنیکي ټیم سره د افغانستان لپاره د یاد صندوق د درې کلن نوي پروګرام په اړه خبرې وکړې

farid_mof
چهارشنبه ۱۳۹۹/۴/۱۸ - ۸:۵۷
خبر

د مالیې وزارت نوماند وزیر او سرپرست ښاغلي عبدالهادي ارغندیوال د چنګاښ میاشتې په ۱۷ مه نېټه د ویډیو کنفرانس له لارې د پیسو نړیوال صندوق له تخنیکي ټیم سره خبرې وکړې.

په دې کتنه کې چې د مالیې وزارت مرستیالانو او د افغانستان بانک مسؤلینو هم شتون درلود، دواړو لوریو د افغانستان له حکومت سره د پیسو نړیوال صندوق په درې کلن نوي پروګرام په اړه بحث او د نظرونو تبادله وکړه.

د پیسو نړیوال صندوق له نوي پروګرام څخه موخه د افغانستان د مالي اصلاحاتو او په لوی اقتصاد کې د ثبات را منځته کولو دوام دی چې د یاد صندوق نوی پروګرام به د افغانستان حکومت او د پیسو نړیوال صندوق د تخنیکي ټیمونو تر منځ د دوامداره بحثونو وروسته د افغانستان شرایطو او حالاتو ته په کتو سره طراحي شي.

خبر

ټاکل شوی ده چې په دې بحثونو کې به د پیسو نړیوال صندوق او د افغانستان حکومت په یو لړ دوه اړخیزو ژمنو باندې هوکړه وکړي چې له مخې به یې یاد صندوق د افغانستان حکومت لپاره د اقتصادي اصلاحاتو او په لوی اقتصاد کې د ثبات راوستلو لپاره یو لړ معیارونه او شاخصونه وټاکي او د تر سره کولو په بدل کې به یې دوی د افغانستان له حکومت سره خپلو مالي او تخنیکي همکاریو ته دوام ورکړي.

د یادونې وړ ده چې د دواړو لوریو تخنیکي ټیمونه به د دوه اړخیزو ژمنو په اړه تخنیکي بحثونو ته دوام ورکړي څو د پیسو نړیوال صندوق درې کلن پروګرام د افغانستان شرایطو او اوسنیو حالاتو ته په کتو سره طراحي شي او یاد هیواد وکولی شي خپل لومړیتوبونه او پروګرامونه په ښه او اغیزمن ډول پلي کړي.

تازه خبرونه

سه‌شنبه ۱۳۹۹/۵/۲۱ - ۱۶:۲۵
Background image

د حکومت په کچه د ملي عوایدو را ټولېدو او بودیجې لګښت وضعیت

زموږ راپورونه ښيې، چې د روان ۱۳۹۹ مالي کال د زمري میاشتې له (۳ مې – ۱۶ مې نېټې) پورې د هیواد له عوایدي سرچینو څخه ۵ میلیارده او ۱۳۳ میلیونه افغانۍ عواید راټول شوي دي. له دې راټولونې ۲۷۳. . .

سه‌شنبه ۱۳۹۹/۵/۲۱ - ۹:۲
Background image

د مالیې وزارت په مالي معینیت کې د مالي سندونو د تعقیبولو اپلیکیشن سیستم پرانیستل شو

د مالیې وزارت مالي مرستیال ښاغلي عبدالحبیب ځدراڼ، نن د زمري میاشتې په ۲۰ مه نېټه په مالیې وزارت کې د یوې ناستې په مهال په مالي معینیت کې د مالي سندونو د تعقیبولو اپلیکیشن سیستم رامنځته. . .

پنجشنبه ۱۳۹۹/۵/۱۶ - ۹:۱۷
Background image

د مالیې او پوهنې وزارتونو ترمنځ د کړنو او عامه مالي اصلاحاتو ښه پلي کولو په موخه هوکړه لیک لاسلیک شو

د مالیې وزارت مالي مرستیال ښاغلي عبدالحبیب ځدراڼ د زمري میاشتې په ۱۵ مه نېټه د پوهنې وزارت له مالي او اداري مرستیال ښاغلي عبدالسبحان روف سره د کړنو او عامه مالي اصلاحاتو ښه پلي کولو په. . .

BACK TO NEWS