د ګمرک نړیوالې ورځې په مناسبت د مالیې وزارت د ګمرکونو لوی رئیس د مبارکۍ پیغام

admin_mof
چهارشنبه ۱۴۰۰/۱۱/۶ - ۲۲:۹
خبر

د سلواغې ۶مه چې د ګمرک نړیوالې ورځې سره برابره ده، خپلو ټولو مرکزي او ولایتي همکارانو ته د یادې ورځې مبارکي وایم، او د الله پاک له دربار څخه دوی ته په ورسپارل سویو چارو کې د بریالیتوب غوښتنه کوم.
د افغانستان د ګمرکونو لوی ریاست د مسلکي او ژمنو کارکونکو په درلودو سره د هیواد د اقتصادي پولو د ساتنې، خلکو او په ځانګړی ډول ملي سوداګرو ته په صادراتو او وارداتو کې د اسانتیاو برابرولو په برخه کې شپه او ورځ هڅې کوي.
له نېکه مرغه، د افغانستان اسلامي دولت واک ته رسیدو د لومړۍ ورځې څخه د هیواد ټول ګمرکونه د صادراتو او وارداتو پر مخ فعال وساتل سول، څو د هیواد اقتصادي څرخ روان، او لا ګړندی سي. ځای لري چې په دې برخه کې له خپلو ژمنو همکارانو او له اړوندو همکارو ادارو څخه د زړه له تله مننه وکړم.
د ګمرکونو لوی ریاست په تېرو پنځو میاشتو کې سوداګرو ته د اسانتیاوو برابرولو، د فساد سره د مبارزې، د قاچاق د مخنیوي، الکترونیکي حکومتولي، د کارکوونکو د ظرفیتونو جوړونې او د ملي عوایدو د لوړوالي په موخه اړینې پرېکړې او اقدامات تر سره کړي دي، چی په ټوله کې د سوداګرۍ په کچه، په بازار کې د نرخونو په نسبي کنترول او د ملي عوایدو په لوړوالي کي د پام وړ مثبتې اغیزې درلودې.
اوس مهال د هیواد په ټولو ګمرکونو کې ګمرکي پروسې الکترونیکي دي، او د ګمرکونو لوی ریاست ژمن دی چې د هیواد نافذه قوانینو او د ګمرکونو نړیوال سازمان (WCO) له سپارښتنو سره سم هیوادوالو او ملي سوداګرو ته نورې اسانتیاوې هم برابرې کړي.
په پای کې یو ځل بیا د خپلو ټولو ژمنو همکارانو له صادقانه خدمتونو څخه مننه کوم او الله پاک دې دوی ته د لا ښه خدمت توفیق ورکړي.

تازه خبرونه

پنجشنبه ۱۴۰۱/۲/۲۹ - ۱۹:۲
Background image

د زیر بناوو د شریکولو تخنیکي بورډ دوهمه ناسته ترسره سوه

د زیر بناوو د شریکولو تخنیکي بورډ دوهمه ناسته د مالیې وزارت د پالیسي معینیت د پانګونې او زیربنا عمومي ریاست سرپرست محمد صابر نثار

پنجشنبه ۱۴۰۱/۲/۲۹ - ۱۸:۵۸
Background image

د ماليې وزير فرمان

نن د ۱۴۰۱ ل کال دغويی ۲۹ د ماليې محترم وزير الحاج ملا هدايت الله بدري د ټولو ګمرکاتو مسئولينو ته هدايت وکړ، چي له دې وروسته هيڅ چاته اجازه ورنه کړي چي يوه دانه غنم له هيواد څخه دباندي. . .

سه‌شنبه ۱۴۰۱/۲/۲۷ - ۱۳:۳۷
Background image

د مالیې وزارت سرپرست د ملي پراختیا شرکت څخه لیدنه وکړه

د مالیې وزارت سرپرست الحاج ملا هدایت الله بدري، چي د ټرانسپورټ وزارت سرپرست ملا حمیدالله اخندزاده، یې هم ملګرتیا کوله د ملي پراختیا

BACK TO NEWS