د ۱۳۹۹ مالي کال د ملي بودیجې استماعیه ناستې پیل شوې

farid_mof
دوشنبه ۱۳۹۸/۷/۸ - ۱۶:۴۸
خبر

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د تلې میاشتې په ۸ مه نېټه د ۱۳۹۹ مالي کال د ملي بودیجې استماعیه ناستې په مالیې وزارت کې ترسره شوې.

د نن ورځې په استماعیه ناستو کې د عدلیې، کلیو او پراختیا، کار او ټولنیزو چارو وزارتونو او همداشان د شهیدانو او معلولینو په چارو کې د دولت وزارت مسؤلینو ګډون کړې وو چې د بودیجې د کمېټې، مدني ټولنو، د افغانستان د عامه مطالعاتو مؤسسې، د افغانستان د روڼتیار څار استازو او د ملي بودیجې عدالت غوښتونکو غړو هم شتون درلود.

خبر

په لومړي سر کې د یادو ادارو استازو ته د ۱۳۹۹ مالي کال استماعیه ناستو اصلي چوکاټ روښانه او د دې ادارو د بودیجوي اړتیاوو او امکاناتو ته په کتو د راتلونکي مالي کال په ملي بودیجه کې یې د لومړیتوبونو په پام کې نیولو په تړاو خبرې او د نظرونو تبادله وشوه.

د مالیې وزارت سرپرست ټینګار وکړ، چې د ملي بودیجې په سند کې باید هغه پروژې ورګډې شي، چې د خلکو په ژوند، اقتصادي وضعیت، کارموندنه او ملي عوایدو باندي مثبت اغېز لري او د افغانستان له اقتصادي ځان بسیاینې سره په تدریجي ډول مرسته وکړي.

خبر

د یادونې وړده، چې د ملي بودیجې استماعیه ناستې به په پرلپسې توګه له ټولو بودیجوي واحدونو سره ترسره شي.

تازه خبرونه

چهارشنبه ۱۳۹۸/۷/۲۴ - ۱۶:۳۲
Background image

د علمي، کلتوري او بشري پانګې عالي شورای تخنیکي ناسته وشوه

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د تلې میاشتې په ۲۳ مه نېټه د علمي، فرهنګي او بشري پانګې عالي شورای. . .

چهارشنبه ۱۳۹۸/۷/۲۴ - ۱۶:۲۱
Background image

د مالیې وزارت ویاند: د افغانستان اقتصادي ځان بسیاینې سند ملي پایدارې ودې ته د رسیدو او د افغانستان د خلکو هوساینې لپاره دی

د مالیې وزارت ویاند او د اړیکو او عامه پوهاوي رئیس ښاغلي شمروزخان مسجدي، د تلې میاشتې په ۲۳ مه نېټه د مالیې وزارت د لاسته لاوړنو او فعالیتونو څخه د اطلاع رسونې او د سوداګرو، د خصوصي. . .

چهارشنبه ۱۳۹۸/۷/۲۴ - ۱۱:۴۶
Background image

مالیې وزارت سرپرست په کابل کې د ترکمنستان له سفیر سره په اقتصادي موضوعاتو خبرې وکړې

د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د تلې میاشتې په ۲۳ مه نېټه په کابل کې د ترکمنستان له سفیر ښاغلي اویزوف خواجه. . .

BACK TO NEWS