د ګلبهار نساجۍ لپاره د خیاطۍ ماشینونو د پېرلو قرارداد لاسلیک شو
د ګلبهار نساجي د خیاطۍ برخې بیا فعالولو لپاره د ما شینونو پېرلو قرارداد د مالیې وزارت د تصدیو او دولتي شرکتونو لوی رئیس ښاغلي شفیق الله شهراني، او د افغان نساجۍ رئیس ښاغلي ایمل سروري، له لوري چې ازبکستان ته په رسمي سفر تللي وو او د هغه هوکړه لیک له مخې چې د دواړو هیوادونو ترمنځ موده مخکې شوې وه، لاسلیک شو.
د پېرل شویو ماشینونو په نصبولو، چې په راتلونکو دوه یا دریو میاشتو کې به ترسره شي، د ګلبهار نساجۍ د خیاطۍ برخه چې له اوږدې مودې (۱۳۵۷ هجري لمریز) راپدېخوا بیا ځلې په کار پیل وکړي او ۶۰۰ هیوادوالو ته به په دریو شیفټونو کې د کار زمینه برابره شي.
د یادونې وړده، چې د افغانستان اسلامي جمهوریت او ازبکستان جمهوریت ترمنځ د تخنیکي همکاریو هوکړه لیک د ۲۰۱۹ کال د مارچ په میاشت کې د نساجي او پنبه دانې تصدیو بیا رغونې په برخه کې لاسلیک شوی وو، له هوکړه لیک سره سم د جوړ شوي عملیاتي پلان د یوې برخې پلي کیدو په موخه د ګلبهار نساجۍ د خیاطۍ لپاره دماشینونو پېرلو قرارداد لاسلیک شو.
