سرپرست وزارت مالیه با وزیر انکشاف اقتصادی و تجارت جمهوری تاجیکستان در مورد فراهم آوری تسهیلات لازم برای صادرات افغانستان به آنکشور بحث نمود
محترم پروفیسور محمد همایون قیومی، سرپرست وزارت مالیه و مشاور ارشد مقام عالی ریاست جمهوری در امور زیربناء امروز مورخ ۱۴ سرطان ۱۳۹۸ در حاشیه کمیسیون مشترک بین الحکومتی میان جمهوری اسلامی افغانستان و تاجیکستان با محترم نعمت الله حکمت زاده، وزیر انکشاف اقتصادی و تجارت جمهوری تاجیکستان ملاقات نمود.
در این ملاقات که هیئت عالیرتبۀ هر دو جانب نیز اشتراک داشتند، در رابطه به رشد و انکشاف اقتصادی و تجارتی افغانستان و تاجیکستان، افزایش و فراهم آوری تسهیلات لازم برای صادرات افغانستان، تعرفه گمرکی روی اقلام موسمی، ایجاد نمایشگاۀ تولیدات داخلی افغانستان در تاجیکستان، فرصت های سرمایه گذاری و همکاری سکتور خصوصی تاجیکستان به افغانستان و دیگر مسایل مرتبط بحث و تبادل نظر صورت گرفت.
