د افغانستان او ترکمنستان حکومتونو ترمنځ د ګمرکي متقابلو همکاریو موافقتنامه لاسلیک کړه
د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغل ډاکټر همایون قیومي چې په یو رسمي سفر کې یې د افغانستان اسلامي جمهوریت ولسمشر جلالتماب محمد اشرف غني، ملتیا یې کوله، د افغانستان او ترکمنستان حکومتونو ترمنځ د ګمرکي متقابلو همکاریو موافقتنامه یې د یاد هیواد د دولتي ګمرکونو د ادارې رئیس عطا دوردي عثمانوف سره لاسلیک کړه.
یاده موافقتنامه د دواړو هیوادونو ترمنځ د توکو د لېږد بهیر د ښه والي، د ګمرکي قوانینو له سم تطبیق څخه د ډاډ ترلاسه کولو، د ګمرکي تخطیو د مخنیوي، تحقیق او د هغې پر وړاندې مبارزې په موخه لاسلیک شوه.
