د المان هیواد د نړیوالو همکاریو ټولنې له لوري د افغانستان خوندي سندونو چاپولو دولتي شرکت ته د چاپي ماشینونو سپارل

د افغانستان د خوندي سندونو چاپولو (AHSP) پروژه، چې د دې پروژې لپاه د خوندي چاپ تاسیس، د انجینیرانو او تخنیکي او مسلکي کسانو روزل پکي شامل دي او د المان نړیوالو همکاریو ټولنې (GIZ) او المان فدرالي جمهوریت له لوري یې تخنیکي او مالي ملاتړ کېږي، په رسمي ډول د افغانستان حکومت ته وسپارل شوه.

په دې ناسته کې د مالیې وزارت مالي او اداري ریاست سرپرست سید احسان الدین طاهري، د افغانستان د خوندي سندونو چاپ شرکت مدیره پلاوي رئیس، په کابل کې د المان سفارت لومړي سکرتر او د (GIZ) استازي ګډون کړی وو.

سید احسان الدین طاهري، د افغانستان په ځانګړي توګه د افغانستان د خوندي سندونو چاپولو شرکت لپاره د المان فدرالي جمهوریت او د (GIZ) دفتر له پرلپسې (مالي او تخنیکي) همکاریو مننه وکړه او خوښي یې وښوده، چې د سندونو چاپولو او د ماشینونو په کار اچولو او رغولو تخنیکي مواردو چارې مالیې وزارت پرغاړه واخیستې. هغه زیاته کړه چې دا تسلیمي د کار پای نه دی بلکه د المان فدرالي جمهوریت او د (GIZ) دفتر ملاتړ او همکارۍ به د افغانستان له دولت او یاد شرکت سره دوامداره وي.

د المان سفارت او (GIZ) دفتر، هم د افغانستان له دولت په ځانګړي توګه د افغانستان د خوندي سندونو چاپولو له شرکت سره د خوندي سندونو د چاپ په برخه کې په خپلو ملتیاوو ټینګار وکړ او ډاډ یې ورکړ، چې د افغان انجینیرانو او همکارانو ترڅنګ به ولاړ وي.

په پای کې د شرکت مدیره پلاوي رئیس د المان سفارت او (GIZ) دفتر له مسؤلینو او استازو سره په یاد شرکت کې د خوندي سندونو د چاپ له بهیر څخه لیدنه وکړه.