د مالیې وزارت سرپرست د نړیوال بانک د ټولنیز خوندیتوب له غړو سره وکتل
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د سلواغې میاشتې په ۱۶ مه نېټه د نړیوال بانک د ټولنیز خوندیتوب له غړو سره وکتل.
په دې لیدنه کې دواړو لوریو د غیر دولتي ادارو کارکوونکو د تقاعد سیستم مقررې د تعقیب او تنظیم، د دې مقررې د پلي کولو په څرنګوالي، هغو هیوادونو ته چې کاري ځواک ته اړتیا لري د فني او غیر فني افغان کارګرو د لیست په لېږلو او یو شمېر نورو مسایلو په تړاو بحث او د نظرونو تبادله وکړه.
