د پیسو نړیوال صندوق د افغانستان مالي اصلاحات او بودیجه بریالي وبلل
د مالیې وزارت سرپرست محمد خالد پاینده، په مشرۍ د پیسو له نړیوال صندوق (IMF) سره د افغان حکومت د مالي اصلاحاتو ارزونې پروګرام اختتامیه ناسته چې د پالیسۍ مرستیال او د دې وزارت یو شمېر رئیسانو هم حضور درلود، په مجازي (Virtual) بڼه ترسره شوه.
په دې ناسته کې د کال منځنۍ برخې په بودیجه کې تغییرات او د (IMF) پروګرام په پلي کولو کې د افغانستان په پرمختګونو باندې هر اړخیزې خبرې اترې وشوې، چې په پایله کې د دې پروګرام پرمختګونه بریالي او له لاسته راوړنو ډک وبلل شول.
