۱۳۹۹ کال ملي بودیجې لپاره د مالي ستراتېژۍ سند تائید شو
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د اقتصاد عالي شورای د ۱۳۹۸ کال پنځمه ناسته نن د غبرګولي میاشتې په ۲۱ نېټه په ولسمشرۍ ماڼۍ کې جوړه شوه.
په دې ناسته کې د ۱۳۹۸ کال اقتصاد عالي شورای ۴ ناستې صورت جلسه، د ۱۳۹۹ کال ملي بودیجې لپاره د مالي ستراتېژۍ په سند، د اوبو او انرژۍ وزارت په چوکاټ کې د TAPپروژې د سکرتریت جوړېدو طرحه او د احصائیې دقیقه او هر اړخیزه طرحه تائید او د کورنیو هوایي شرکتونو د پورونو په تړاو هر اړخیز بحث او د نظرونو تبادله وشوه او په تړاو یې اړینې پرېکړې وشوې.
