داخلي پلټنې لوی ریاست لپاره نوی رئیس معرفي شو
د مالیې وزارت په وړاندیز او د ولسمشرۍ عالي مقام د حکم په اساس ښاغلی محمود قادري، چې د مالیې وزارت د داخلي پلټنې لوی رئیس په ټوګه ټاکل شوی، نن د کب میاشتې په ۴ مه نېټه د مالیې وزارت سرپرستې او د یاد وزارت د پالیسۍ مرستیالې اغلی ناهید سرابي له لوري د یاد ریاست کارکوونکو ته معرفي شو.
په دې پیزندغونډه کې چې د مالیې وزارت یو شمېر رئیسانو او کارکوونکو ګډون کړې وو، اغلی سرابي د یاد ریاست د پخواني رئیس له کړنو او فعالیتونو څخه مننه وکړه او نوي ټاکل شوي رئیس ته یې په اړوندو چارو کې د بریالیتوب غوښتنه وکړه.
د یادونې وړ ده چې د مالیې وزارت د داخلي پلټڼې پخوانی لوی رئیس ښاغلی ظریف علم ستانکزی، د مالیې وزارت د حقوقي سلاکار په توګه ټاکل شوی دی.
