د اقتصاد عالي شورا یوولسمه غونډه نن د تلې میاشتې په ۲۲ مه نېټه د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ په مالیې وزارت کې جوړه شوه.
په دې غونډه کې له اجنډاء سره سم د چرګانو د غوښې او هګیو له اړخه د افغانستان پر ځان بسیا کولو پلان، په افغانستان کې د لبنیاتو صنعت ته د پراختیا ورکولو طرحه، د بادامو د تولید، پروسس، بسته بندۍ او بازار موندنې ملي طرحه، په افغانستان کې د ماهیانو صنعت ته د ودې ورکولو طرحه، د مالدارۍ پراختیا او اړوند صنعت طرحه ، په کونړ ولایت کې له ۵۲۰۰ هکتاره چمتو شوې ځمکې د ګټې اخیستنې طرحه، د بادامو د سوداګریزو باغونو په تآسیس سره د پښتون زرغون د ابو خوړونو د مدیریت طرحه او د زعفرانو د کښت طرحې په پرنسیپ کې تائید او په اړه لازمې پریکړې وشوې.