د مالیې وزارت سرپرست د اروپایي ټولنې د پراختیايي مرستو له رئیس سره وکتل
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د امریکا متحده ایالتونو واشنګټن ډي سي ته د نړیوال بانک او پیسو نړیوال صندوق ۲۰۱۹ کال پسرلنۍ ناستو کې د ګډون په مهال د څنډو ناستو په دوام د وري میاشتې په ۲۳ مه نېټه د اروپایي ټولنې د پراختیايي مرستو له رئیس ښاغلي سټیفانو منسرویزي، سره ولیدل.
په دې لیدنه کې دواړو اړخونو د اقتصادي همکاریو، د افغانستان د مالي پانګونې بستې مطابق د اروپایي اتحادیې په پانګونو، سولې پروسې، د ټاکنو په ترسره کېدو، له دې ټولنې سره د دولت جوړونې قرارداد، له افغانستان سره د اروپایي ټولنې په راتلونکو همکاریو او یو لړ نورو اړوندو موضوعاتو په تړاو خبرې وکړې.
د مالیې وزارت سرپرست د اروپایي اتحادیې له پرلپسې همکاریو څخه مننه وکړه.
