د مالیې وزارت سرپرت د امریکا متحده ایالتونو له نړیوالې پراختیایي ادارې وغوښتل څو خپل پراختیایي پروګرامونه د دې هیواد د خلکو له لومړیتوبونو سره سم د افغانستان د حکومت تر چتر لاندې تنظیم کړي

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د تلې میاشتې په ۲۷ نېټه د امریکا متحده ایالتونو نړیوالې پراختیایي ادارې (USAID) له سرپلټونکې اغلې آن کالواریسي بار، سره وکتل.

په دې کتنه کې چې د امریکا په متحده ایالتونو کې د افغانستان سفیرې اغلې رویا رحماني، هم شتون درلود، د مالیې وزارت سرپرست له نوموړې سره په افغانستان کې د امریکا متحده ایالتونو نړیوالې پراختیایي ادارې د مرستو په اغېزمنتوب، د یادې ادارې او افغانستان ترمنځ په ګډه د اړوندو چارو پرمخ وړلو، له افغانستان سره د امریکا متحده ایالتونو نړیوالې پراختیایي ادارې په مرستو بحث او خبرې وکړې.

د مالیې وزارت سرپرست له د امریکا متحده ایالتونو نړیوالې پراختیایي ادارې له سرپلټونکې وغوښتل، چې له افغانستان د دې ادارې پراختیایي پروګرامونه د دواړو لوریو په همغږۍ او د افغانستان د حکومت ترچتر لاندې د دې هیواد له لومړیتوبونو سره سم تنظیم کړي.

د امریکا متحده ایالتونو نړیوالې پراختیایي ادارې سرپلټونکې د مالیې وزارت سرپرست له وړانديزه هرکلی وکړ.

د مالیې وزارت سرپرست، نوموړې ته بلنه ورکړه، څو په نږدې راتلونکې کې افغانستان ته راشي.