د شهرنو پر سوداګریزي او استوګنیزي ودانۍ د پانګوني په موخه د آفرګشایۍ ناسته وسوه!
د غویي ۳مه ۱۴۰۴ هـ.ل
د مالیې وزارت د امارتي املاکو لوی ریاست له لوري، د شهرنو پر سوداګریزي او استوګنیزي ودانۍ د پانګوني په موخه د آفرګشایۍ ناسته د یو شمېر غوښتونکو شرکتونو په ګډون د مالیې وزارت په خیبرهال کي وسوه.
په دې ناسته کي شپږو شرکتونو د ګډون غوښته کړې وه، چي له دې ډلي یوازي د (۲) شرکتونو استازي حاضر ول. د دغو (۲) حاضرو شرکتونو ټول اسنادونه وکتل سول، چي له دې پروسې وروسته به د ارزوني په موخه یوه کمېټه جوړه او وروسته به دغه اسناد د بریالي شرکت د قرارداد د اعلان او وروستۍ پرېکړې په موخه د ریاست الوزراء اقتصادي معاونیت ته وسپارل سي.
د یادوني وړ ده، چي دغه ودانۍ به پر(۲۶۷۶) متره مربع ځمکه په دوو ځمکپوړونو او شلو پوړونو کي ودانه سي، چې ورسره به یو شمېر هېوادوالو ته د کار زمینه هم برابره سي.
