په۱۳۹۹ مالي کال کې د مالیې وزارت د مالي معینیت د لاسته راوړنو لنډ راپور

admin_mof
دوشنبه ۱۳۹۹/۱۰/۸ - ۹:۴۱
news

د کرونا ویروس د خپرېدو له کبله په نړیوال اقتصادي نظام کې رامنځته شوو ستونزو ته په کتلو سره، د ۱۳۹۹ مالي ‌کال د افغانستان لپاره یو له ننګونو څخه ډک کال وو. د کرونا ویروس د کابو کولو په پار د قرنطین او سوداګریزو چارو د بندیز په ګډون د لګېدلو محدودیتونو له امله د اقتصادي کړنو د کمرنګه کېدو په پایله کې د افغانستان اقتصادي وده پنځه سلنه ټیټه شوه. پدې سربېره د یاد ویروس د اقتصادي او ټولنیزو اغیزو په پایله کې کورني عواید خورا ټیټ او د روغتیا اړوند عامه لګښتونو کې د پام وړ زیاتوالي په راتګ سره په ملي بودجه کې د ۶۷ میلیارده افغانیو په کچه مالي بوج راغی، چې وروسته د نړیوالو مرستندویانو په مالي مرستو سره تمویل شو.

د ۱۳۹۹ کال په اوږدو کې په ملي بودجه کې د کرونا ویروس د منفي اغیزو د کابو کولو په پار د منځمهاله بیا کتنې په ګډون تعدیلات رامنځته شول. له یادو ستونزو سره سره، د مالیې وزارت وکولای شو چې مامورینو ته د معاش ادائینې په ګډون په تاریخ کې د لومړي ځل لپاره د حکومت ټولو ۱۴۵،۷۹۱ متقاعدینو ته په پوره روڼتیا او خپل وخت سره د تقاعد حقوق ورکړي. پدې سربېره د مالیې وزارت وکولای شو چې له خپلو پرمختیایي شریکانو سره د پراختیایي همکارۍ بحثونه وکړي، د مرکزي اسیا د اقتصادي او سیمه ایزو همکاریو سازمان د غړو هېوادونه د وزیرانو او ملي استازو ناستې رهبري کړي، او د ۲۰۲۴ میلادي کال تر پایه پورې د ۳.۳ میلیاردو امریکایي ډالرو په کچه کلنیو مالي ژمنو په جذب سره د جینوا کنفرانس به بریالۍ توګه سرته ورسوي. په ټوله کې د افغانستان دولت کولای شول چې د دولت په خزانه کې د ۳۱.۲ میلیارده افغانیو په کچه نغدي زېرمې په درلودلو سره د ۱۳۹۹ مالي کال بودجې ۸۷ سلنه په مصرف ورسوي.

د مالیې وزارت د ۱۴۰۰ مالي کال بودجه د هېواد په ۱۷ ولایتونو کې د ځایي خلکو، مدني ټولنو، او علمي شخصیتونو سره د یو لړ بحثونو له ترسره کولو وروسته ترتیب کړه، چې پکې ۳ میلیارده افغانۍ د هېواد په ټولو ولایتونو کې د وړو پروژه د پلي کیدو لپاره ځانګړې شوې دي. د ۱۴۰۰ مالي کال په پراختیایي بودجه کې د اوبو بندونه او کانالونه جوړول، کارموندنه،د ترانسپورت، انرژي، روغتیا، او پوهنې په برخه کې د بنسټیزو جوړښتونو‌ پراختیا، د ګمرکي سیستمونو عصري کول، او د عامه سیستمونو او عملیاتي پروسو برښنایې کول له لویو لومړیتوبونو څخه دي چې د افغانستان د پایدار اقتصادي پرمختګ لپاره اغیزناکې پایلې لري.

تازه خبرونه

شنبه ۱۴۰۱/۵/۲۲ - ۹:۳
Background image

د تورخم ګمرک له لارې د ډبرو سکرو صادرات بیا پیل سول

دا چي د تورخم ګمرک له لارې له دې وړاندې د میوو او ترکاریو د خرابېدو له امله د ډبرو سکرو صادرات ځنډول سوي وو؛ اوس یو ځل بیا

دوشنبه ۱۴۰۱/۵/۱۷ - ۲۲:۲۰
Background image

د ولایتي ګمرکونو د تشریح او بررسۍ  کارکوونکو ته تخنیکي سیمینار پیل سو

د ولایتي ګمرکونو د تشریح او بررسۍ برخي یو شمېر کارکونکو ته په تخنیکي او مسلکي برخه کي ورکشاپ تېره ورځ د ګمرکونو په ملي اکاډمۍ

چهارشنبه ۱۴۰۱/۵/۱۲ - ۱۶:۱
Background image

د چین د خصوصي سکټور یو شمیر استازو د مالیې وزیر سره وکتل

په دغه کتنه کي د چین د خصوصي سکټور استازو په افغانستان کي د سوداګرۍ، صنعت او نورو اړینو برخو کي د پانګونې او هر اړخیزو همکاریو

BACK TO NEWS