د علمي، کلتوري او بشري پانګې عالي شورای تخنیکي ناسته وشوه
د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د تلې میاشتې په ۲۳ مه نېټه د علمي، فرهنګي او بشري پانګې عالي شورای تخنیکي ناسته په مالیې وزارت کې ترسره شوه.
په دې ناسته کې د نړیوالو اړیکو پالیسۍ او بورسیو، د پولي ارزښت له مخې د تحصیلي بورسونو په څرنګوالې، له شته فرصتونو حد اکثر ګټه اخیستنه، په خصوصي پوهنتونونو کې د ټیټ درسي کیفیت په تړاو د لوړو زده کړو وزارت په عملي ګام پورته کولو او څارنې، د تخنیکي تعلیماتو په چوکاټ کې د مسلکي پوهنتون په جوړېدو، په خصوصي پوهنتونو او لوړو زده کړو په مؤسسو کې په پرتو ستونزو، د حل لارو په لټولو او یو شمېر ورته مسایلو په تړاو خبرې او د نظرونو تبادله وشوه او په اړه یې اړینې پرېکړې وشوې.
