د بېوزلۍ کمولو، خدمتونو وړاندې کولو او د ولسي ګډون عالي شورای اوومه تخنیکي ناسته وشوه
د مالیې وزارت سرپرست او د زېربناء په چارو کې د ولسمشرۍ عالي مقام سترسلاکار ښاغلي پروفیسور محمد همایون قیومي، په مشرۍ د لېندۍ میاشتې په ۲۶ مه نېټه د بېوزلۍ کمولو، خدمتونو وړاندي کولو او د ولسي ګډون عالي شورای اوومه تخنیکي ناسته په مالیې وزارت کې وشوه.
په دې ناسته کې د وچکالۍ او قحطۍ د عمل په پلان، د غلې ستراتېژيکو ذخیرو په جوړولو، د دولت د خدمتونو نمبر ورکولو، د خدمتونو وړاندي کولو او له خدمتونو د ګټې اخیستونکو ترمنځ د خبرو اترو رامنځته کولو، د خدمتونو په وړاندي کولو کې د خدمتونو کیفیت په ښه کولو، د دولت د خدمتونو په تړاو د نمبر په ورکولو کې د بېوزلۍ کمولو عالي شورای په مشخص وړاندیز، د بېمې د صنعت پراختیا ترڅنګ د بېمې سکټور په کړنو او بېموي چارو د څارنې او یو لړ نورو اړوندو مسایلو په تړاو بحث او د نظرونو څرګندونې وشوې او په اړه یې لازمې پرېکړې ونیول شوې
