له مرستندویانو سره د افغانستان ژمنې عملي کېږي
د جینوا د هوکړې له مخې د افغانستان د مشارکت چوکاټ (APF) ژمنو پلي کولو څرنګوالې په تړاو د مالیې وزارت د کمېټې درېیمه ناسته نن ورځ په یاد وزارت کې وشوه.
دغه ناسته چې د مالیې وزارت د پالیسۍ مرستیال نذیر کبیري؛ په مشرۍ او اړوندو رئیسانو په ګډون ترسره شوه، په پیل کې د پالیسۍ مرستیال له نړیوالې ټولنې سره د مشارکت په اهمیت ټینګار وکړ او د جمهوري ریاست عالي مقام او کابینې د پرېکړو پر بنسټ د چارو ادارې عمومي ریاست له لوري د (APF) ژمنو پلي کولو او تعقیبولو ګډ مېکانیزم په تړاو یې هر اړخیز معلومات وړاندي کړل.
همدا شان ګډونوالو د (APF) د پرمختګونو او ژمنو پلي کېدونکو پلانونو په تړاو خپل نظرونه شریک کړل. په پای کې د پالیسۍ مرستیال؛ د مالیې وزارت د بېلابېلو واحدونو د کړنو ستاینه وکړه او په دې برخه کې د لا ډېرو هڅو غوښتونکی شو.
