د زیر بناوو د شریکولو تخنیکي بورډ دوهمه ناسته ترسره سوه
د زیر بناوو د شریکولو تخنیکي بورډ دوهمه ناسته د مالیې وزارت د پالیسي معینیت د پانګونې او زیربنا عمومي ریاست سرپرست محمد صابر نثار په مشرۍ او د وزارتونو او ادارو د زیربنایی استازو په ګډون د مالیې وزارت په خیبر صالون کي ترسره سوه.
دغه ناسته چې د قرآن عظیم الشان په تلاوت پیل سوه، په پيل کي د تیرې ناستې ارزونه وسوه او ورپسې د زیر بنا شریکولو د مقرره مسودې په اړه پریزنټیشن وړاندې سو.
دغه ناسته د وزارتونو او سکټوري ادارو ترمنځ د هم لوریو پروژو پیژندلو، د یو واحد پلان په توګه د څو پروژو د تطبیقي پلانونو یو ځای کولو او د دولت د مالي وجوې د بې ځایه مصرف څخه د مخنیوي په موخه جوړه سوې وه.
همدا رنګه د اوبو رسونې او فاضلاب دولتي شرکت د تطبیق او نظارت امر د یاد شرکت د راتلونکو پلانونو او فعالیتونو په تړاو ګډونوالو ته معلومات وړاندې کړل.
