کندهار ولایت کي نا محصوله توکي نیول سوي
![خبر](/sites/default/files/2022-10/q2.jpg)
د مالیې وزارت د ګمرکونو د ساتني او ځانګړو عملیاتو تنفیذي قطعې زړورو ځواکونو کندهار ولایت کي ۱۵ عرادې مختلف النوع موټرو کي، چي په زیاته اندازه (چاکلېټ شیریني، درمل، بادام، نخود، د ښځینه وو جامې او نور خوراکي او غیر خوراکي) توکي پکښي شامل او ګمرکي محصول یې نه وو تحویل کړی، د دې وزارت د ګمرکونو د ساتني ځانګړي قطعې د سرتېرو له خوا کشف او ونیول سول.
دغه توکي چي ګمرکي محصول یې نه وو سوی او کندهار ښار ته لېږدول کېدل، د ارغستان په سیمه کي نیول سوي. په پېښه کي تورن کسان د یادي قطعې له لوري اړوند تحقیقاتي ارګانونو ته سپارل سوي.
![خبر](/sites/default/files/inline-images/Q1.jpg)
هېره دي نه وي، چي د مالیې وزارت د ګمرکونو د ساتني ځانګړې قطعې ځواکونه ډېر بیداره او په لنډه موده کي یې ګڼ شمېر نیوني او لاسته راوړني لرلي دي.