په مالیې وزارت کي د ګمارني په موخه د مرکز د غوره پوهنتونونو له ممتازو فارغ سوو محصلینو څخه ازموینه واخیستل سوه
په مالیې وزارت کي د مسلکي کدرونو د جذب، کار اهل کار ته د سپارلو او د یوې تلپاتي مسلکي ادارې د رامنځته کولو په موخه د مرکز کابل د غوره پوهنتونونو د (۱۴۰۰ او ۱۴۰۱) هجري لمریز کلونو له (۳۲۰) تنو فارغ سوو ممتازو محصلینو څخه ازموینه واخیستل سوه
د ازمويني په دې پروسه کي د مالیې وزیر الحاج ملا محمد ناصر اخند، د لوړو زده کړو وزارت علمي معین دوکتور لطف الله خیرخواه، د مالیې وزارت د مقام د دفتر لوی رئیس الحاج انجنیر سلطان محمد زبیر، د دې وزارت د بشري سرچینو رئیس مولوي احمد شاه شاکر، د یادو وزارتونو یو شمېر مسؤلینو، فارغ سوو محصلينو او رسنیو ګډون کړی وو.
د مالیې وزارت د بشري سرچینو رئیس مولوي احمد شاه شاکر د ازمویني د پروسې اړوند معلومات وړاندي کړل او زیاته ئې کړه، چي د مالیې وزارت تل هڅه کوي تر څو کار اهل کار ته وسپاري، چي پر همدي بنسټ د مالیې وزارت د رهبرۍ له هدایت سره سم ئې د لوړو زده کړو وزارت سره په همغږۍ، د مرکز د ممتازو محصلینو څخه د ازمویني او په مالیې وزارت کي د مسلکي کدرونو د ګمارني دغه پروسه په لاره اچولې ده.
د مالیې وزیر الحاج ملا محمد ناصر اخند فارغ سوو محصلینو ته په خظاب کي وویل، چي هیواد ستاسو په څېر ممتازو او استعداد لرونکو ځوانانو ته اړتیا لري؛ تر څو د خپلي پوهي او وړتیا په مټ د هیواد د ابادۍ او پرمختګ لپاره صادقانه هڅي وکړي.
د لوړو زده کړو وزارت د علمي چارو معین دوکتور لطف الله خیرخواه وویل، چي د مالیې وزارت په غوښتنه ئې د مرکز ممتاز فارغین په دغه وزارت کي د ګمارني په موخه معرفي کړي، چي د ازمویني له شفافي پروسې وروسته به بریالي کسان د دغه وزارت په خالي بستونو کي په دندو وګمارل سي. ښاغلي خیرخواه زیاته کړه، چي دغه پروسه د هر ډول قومي، ژبني او سمتي تبعیض پرته په پوره روڼتیا سره د وړتیا اصل ته په کتو ترسره کېږي. او په مالیې وزارت کي د ګمارني یواځینی معیار ئې د معتبرو پوهنتونونو د ممتازو محصلینو لپاره په دغه ازموینه کي بریالیتوب دئ.
د ازمویني ګډونوالو هم د ازمویني د رڼې پروسې له امله خوښي څرګنده کړه او د مالیې وزرات له رهبرۍ او مسؤلینو څخه ئې مننه وکړه، چي محصلینو ته ئې د دندو فرصتونه برابر کړي دي.
د یادوني وړ ده، چي د مالیې وزارت تل هڅه کوي، چي د شفافو پروسو له لاري په اړوندو برخو کي مسلکي اشخاص په دندو وګماري او په راتلونکي کي به هم د ورته پروسې په څېر د دندو فرصتونه برابر کړي؛ تر څو د هیواد مسلکي کدرونه د یوې مسلکي ادارې په مټ
