له تاجیکستان سره په پوله د بدخشان ولایت په سرحدي سیمو کې د برېښنا رسونې پروژې پرانیستل شوې
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د چنګاښ میاشتې په ۱۶ مه نېټه د بدخشان ولایت لېرې پرتې ولسوالۍ مایمي (درواز بالا) ته د سفر په مهال له تاجیکستان سره په ګډه پوله د دغه ولایت په سرحدي سیمو کې د برېښنا رسونې څو پروژې پرانیستې.
په دې مراسمو کې د اوبو او انرژۍ وزارت سرپرست ښاغلي محمد ګل خُلمي، د افغانستان برېښنا شرکت رئیس ښاغلي امان الله غالب، د ټرانسپورټ وزارت اوسپنې کرښې ملي ادارې رئیس ښاغلي یما شمس او د دولتي ادارو یو شمېر رئیسانو او کارکوونکو ګډون کړی وو.
د بدخشان ولایت مایمي په ولسوالۍ کې د برېښنا رسونې پروژو له جملې، ۱۹ پایې ټرانسفارمرونه پرانیستل شول، چې د ټرانسفارمرونو مجموعي وړتیا ۱۰۵۰ کلیوواټه دی. دغه ټرانسفارمرونه ۶۵۶ کورونو ته برېښنا ورکوي او د ۵۶۰۰ تنو په خواشا کې ګټه ترې اخلي.
همدا شان نور ۹ پایې ټرانسفارمرونه چې د شغنان شش په نامه یادېږي او ۵۵۰ کلیو ولټه ټولیز ظرفیت لري، د شکاشم، نسي او مایمي (درواز بالا) په ولسوالیو کې نصب شول او ۴۳۰ کورنیو ته د برېښنا رسولو زمینه برابروي.
په پای کې د یادو ټرانسفارمرونو نصبولولو قرارداد د افغانستان برېښنا شرکت او پامیر انرژي شرکت ترمنځ وشوه، دغه پروژې د المان هیواد او اغا خان بنسټ له خوا تمویلېږي.
