د ټاپي پروژه د افغانستان لپاره ملي او د شکيلو هیوادونو لپاره حیاتي ارزښت لري

admin_mof
Wed, Jan 12 2022 4:09 PM
خبر

دغه څرګندوني د مالیې وزیر الحاج ملا هدایت الله بدري د ترکمنستان د بهرنیو چارو وزارت له مرستیال وپا حاجیف (Wepa Hajyyev) سره د ليدني پرمهال وکړې.

په دې کتنه کي په افغانستان کي د ترکمنستان سفیر حجه اوزوف (Hoja Ovezov) د ټاپي پروژې رئیس محمد میرات امانوف (Mohammetmyrat Amanov) ورسره مل پلاوي او د مالیې وزارت یو شمېر لوړ پوړو مسؤلینو ګډون کړی وو، چي پرمهال يې دواړو لوریو په افغانستان کي د ټاپي پروژې پر عملي پیلېدو چي څو پړاوونه لري خبري وکړې. ددې پروژې لومړی پړاو د هرات ولايت له تورغونډۍ څخه پیل بيا تر ګذرې ولسوالۍ پوري غځيږي. په ليدنه کي د پروژې پر پانګونه چي ۵۸۸ میلیونه ډالره یې د ترکمنستان هیواد له لوري ورکول کيږي، تخنیکي مسایلو او د مځکو د استملاک چارو اړوند هم خبري وسوې، چي سروې به یې ۲۰ ورځي وخت ونیسي. دغه راز د دواړو اړخونو په هوکړه د جنورۍ له ۲۰ نېټې وروسته د تخنیکي چارو او مځکو د استملاک د ارزوني په موخه افغانستان ته د تخنیکي ډلي راتګ او یو شمېر نورو اړوندو مسایلو په تړاو هم بحث او د نظرونو تبادله وسول.

د هيواد دمالیې وزیر یاد پلاوي ته د ښه راغلاست ترڅنګ وویل، چي د ټاپي پروژه د افغانستان او شکيلو هیوادونو لپاره اړینه او ملي پروژه ده، زموږ او ستاسو دواړه وروڼه ملتونه یې پلي کولو او راتلونکو پایلو ته سترګي په لاره دي. الحاج ملا هدایت الله بدري زیاته کړه، چي د افغانستان حکومت په بشپړ ډول د دې پروژې پلي کولو ته ژمن او همکار دی او د پروژې د پلي کولو په بهیر کي به هیڅ راز امنیتي او د نورو همکاریو په برخه کي ستونزه پېښه نه سي، څو دغه پروژه ژر تر ژره پیل سي.

خبر

د یادوني وړ ده، چي په لومړي پړاو کي به ددې پروژې نږدې ۲۰ میلیونه امریکایي ډالره د پروژې په ورڅېرمه سیمو کي په ټولنیزو او رغنیزو چارو ولګول سي.

Latest news

Thu, Jan 20 2022 11:37 AM
Background image

Press Release

A one-day international conference, titled “Afghanistan Economic Conference: New Beginning

Tue, Dec 07 2021 9:02 PM
Background image

Ministry of Finance cuts 10% of Customs duty on rebar produced in the country

Exports play a vital role in the country's economic growth and pave the way for self-sufficiency in domestic

BACK TO NEWS