د افغانستان اسلامي امارت د مشرتابه له لوري د کسبګرو، دوکاندارانو، ملي سوداګرو او پانګوالو ملاتړ
د افغانستان اسلامي امارت د کابینې د (۹) ګڼي مصوبې د ۱۱ بند پر اساس ټولو هغو ادارو ته چي د سوداګرو چاري ورسره تړلي دي، په ځانګړي توګه مالیې وزارت ته دنده سپارل سوې، چي د هېواد ملي سوداګرو، صنعتکارانو او پانګوالو ته ممکنه اسانتیاوي برابري کړي؛ تر څو ملي سوداګر او صنعتکاران وکولای سي د هيواد په ښیرازۍ، ځان بسیایني او د اقتصادي د مختګ په لا تقویه کي رغنده رول ولوبوي.
مالیې وزارت د همدې هدایت پر بنسټ لاس په کار سو، د متشبثینو (سوداګرو، صنعتکارانو، پانګوالو دوکاندارانو او کسبګرو) له استازو سره یې د هغوی د ستونزو د اورېدو لپاره مخامخ پرله پسې تخنيکي غونډي ونیولې، چي په پایله کي د ماليې وزارت اړوند د عوایدو د لوی ریاست په وړانديز او د افغانستان اسلامي امارت د وزيرانو د شورا د تصويب او د اقتصادي کميسون تر ارزوني وروسته د کوچنیو تشبثو (کسبګرو او دوکاندارانو) په مالیاتي نورم کي تغیر راغلی، چي اوس مهال به د دوی د خرڅلاو څخه د ۱.۵٪ سلنه ماليې پر ځای له دوی څخه 0.5٪ سلنه مالیه اخيستل کېږي، چي په دې کار سره به کوچني متشبثین (کسبګر او دکاندارن) په ښه طریقه سره د خپلو کارونو تر سره کولو ته تشویق سي، بېکاره او بې روزکاره خلک به کسب او کار کولو ته و هڅېږي او په ټولنه کي به د بې روزګارۍ او فقر مخه ونیول سي او هم به د هیواد د لوی اقتصاد په پیاوړتیا کي د پام وړ مثبت بدلون رامنځته سي.
د کسبګرو او دوکاندارنو استازو د افغانستان اسلامي امارت د مشرتابه ددې نېکي پریکړې هر کلی کړی دئ او د مشرتابه د دې لویي پېرزویني څخه راضي او خوشحاله دي.
