د بودیجوي واحدونو لپاره د تخصیصاتي فورم د پړاوونو روزنیز ورکشاپ پیل سو
![خبر](/sites/default/files/2023-05/w2.jpg)
د مالیې وزارت د خزاینو لوی ریاست د نغدي پلان جوړوني ریاست د بودیجوي واحدونو لپاره د تخصیصاتي فورم د پړاوونو روزنیز ورکشاپ پیل کړ.
دغه ورکشاپ چي د مالیې وزارت په خیبر هال کي پیل سو، د خزاینو لوی ریاست د نغدي پلان جوړوني رئیس پوهنیار ستارالدین معتصم، د تخصیصاتو د آمریت ستر سلاکار جهانزیب شریفي، د تخصیصاتو او تعهداتو آمر امان الله بهمني او د بودیجوي واحدونو استازو ګډون پکي کړی وو.
پوهنیار ستارالدین معتصم د دغه ورکشاپ د پرانیستني په وینا کي ګډونوالو ته وویل، لکه څنګه چي د کال په جریان کي د فورمونو د تعدیلاتو له امله یو لړ ستونزي رامنځته کیږي؛ نو اړینه وه چي د بودجوي واحدونو لپاره یو جامع، واضح او مشخص ورکشاپ په لاره واچوو. هغه زیاته کړه، زموږ همکارانو تاسو ته د پروسې د چټکتیا او په خپل وخت ترسره کولو په موخه ټول بهیرونه تشریح کړي او تاسو هم باید د ستونزو د چټک حل په موخه د همغږۍ یو ټیم رامنځته کړئ.
![خبر](/sites/default/files/inline-images/w3_0.jpg)
د تخصیصاتو او تعهداتو آمر امان الله بهمني د دغه آمریت د کلیدي دندو لکه، د عادي او پراختیایي بودیجې د مالي پلان فورمه، د عادي او پراختیايي بودیجې P.O(د خریداری امر) فورم، د پراختیایي بودیجې د C.F (تعهد) فورم، د عادی او پراختیايي بودجې داخلي تعدیل ب- ۲۳ فورم، له ۲۱باب څخه د وزارتونو تنقیص او تزئید، د پلورونکو د ثبت فورم (د بانکي حسابونو پرانیستل) او نور اړوند موضوعات د پریزنټېشن په ترڅ کي ګډونوالو ته وړاندي کړل.
په پای کي د ګډونوالو پوښتني هم ځواب سوې.