د مهارتونو پراختیا، اقتصادي پیاوړتیا او کارموندنې (ASCEND) پروګرامونو ډیزاین دویمه ناسته وشوه
د مالیې وزارت د پالیسیو او پروګرامونو عمومي رئیس فریدون شارق په مشرۍ او نړیوال بانک ترمنځ ناسته په مجازي ډول ترسره شوه.
په دې ناسته کې د یاد پروګرام بېلابېل اړخونه ترغور لاندې ونیول شول او د مهارتونو د زده کړې او پیاوړتیا له لارې ځوانانو ته د کارموندنې او ښځو د پیاوړتیا په برخه کې د نظرونو تبادله وشوه.
همداشان پرېکړه وشوه، چې د پروګرام د حجم او لګښت په اړه یې زیات غور وشي او بیا د پروګرام طرحه نهایي شوه.
