د ننګرهار ولایت ګمرک د قاچاق پر وړاندي ستر خنډ دئ
![خبر](/sites/default/files/2022-04/2222.jpg)
تېره ورځ د ننګرهار ولایت ګمرک ته ورڅېرمه د پلټنې او تالاشیو یا چک پوسټونو مدیریت؛ د دې ګمرک د مسؤلینو له لوري ګاونډي هیواد ته د لویو باوړونکو موټرونو درنې او قیمتي اوسپنې چي د ټېلرو په باډیو پوري په ماهرانه ډول ویلډینګ او ځای پر ځای سوي وې او غوښتل یې په ناقانونه او قاچاقي بڼه یې ولېږدوي نیولي دي.
د ننګرهار ولایت ګمرک د مسؤلینو په خبره په دې تړاو یې قاچاق وړونکي نیولي دي او له قاچاق سره د مبارزې برخي اړوندو ادارو ته یې سپارلي دي.
![خبر](/sites/default/files/inline-images/111.jpg)
د یادونې وړده، چي د اسلامي امارت له راتګ وروسته د ننګرهار ولایت په ګمرک کي دا څویم ځل دئ، چې ګاونډي هیواد ته د قاچاق او توکو د غیر قانوني اوښتنې مخنیوی کېږي. د دې ولایت ګمرک او د پلټنې مسؤلین اوس د قاچاق او قاچاق وړونکو پر وړاندي ستر خنډ دي او په ځلونو یې د قاچاق د مخنیوي په برخه کي ښې لاسته راوړني لرلي دي.