د ګمرکونو د وضعیت ارزوني په موخه تخنیکي ناسته ترسره سوه

admin_mof
یکشنبه ۱۴۰۱/۴/۱۲ - ۱۱:۲۷
خبر

د ګمرکونو د وضعیت ارزوني په موخه تخنیکي ناسته، د مالیې وزارت د ګمرکونو او عوایدو معین الحاج ملا محمد ناصر اخند په مشرۍ، چي د ګمرکونو لوی ریاست سرپرست مفتي عبدالمتین سعید، د یاد ریاست مرستیالانو او د ولایتي ګمرکونو مسؤلینو هم پکښي ګډون درلود؛ د ګمرکونو او عوایدو معنیت د غونډو په تالار کي تر سره سوه.

د غونډې په پيل کي د ګمرکونو عمومي ریاست د پلان، پالیسۍ څارني او ارزوني ریاست له لوري په ګمرکونو کي د ۱۴۰۱مالي کال د جوزا میاشتې او ددې کال د لومړۍ ربعي د تر سره سوو فعالیتونو په تړاو ټولنیز راپور وړاندي سو او همدا راز د تیر په پرتله د راټولو سوو عوایدو مقایسوي ارقام شریک سول، چي پایله ئې د تیر په پرتله د ګمرکي عوایدو په کچه د پام وړ زیاتوالی، روڼتیا او د چارو ښه پرمختګ و ښوول سوه.

ورپسې د ګمرکونو لوی ریاست سرپرست مفتي عبدالمتین سعید خبري وکړې او د ګمرکونو د ټولو مسؤلینو له صادقانه هڅو ترسره کولو له امله یې مننه وکړه او زیاته یې کړه، چي د همداسي صادقانه هڅو په پایله کي به هیواد په اقتصادي برخه کي ځان بسیایني ته ورسیږي.

د ګمرکونو اوعوایدو معین الحاج ملا محمد ناصر اخند په ګمرکي چارو کي د شفافیت رامنځته کولو او د عوایدو د کچي لوړېدو له امله د ګمرکونو له رئيسانو څخه مننه وکړه او زیاته یې کړه، چي د مسؤلینو صادقانه هڅو ښه پایله لرلې ده، چي په نتیجه کي یې په ګمرکي چارو کي روڼتیا رامنځته سوې او د عوایدو کچه لوړه سوې ده.

الحاج ملا محمد ناصر اخند د ګمرکونو ټولو رئیسانو ته سپارښتنه وکړه، چي د چارو د لا ښه پرمختګ په موخه د مسؤلینو ترمنځ د بشپړ اعتماد فضاء رامنځته کړي او ټولو کارکونکو ته د سلیقو پر اساس نه، بلکي د مسلک پر اساس چاري وسپارل سي.

په دغه غونډه کي د کمرګونو رئيسانو د چارو د لا ښه والي په موخه خپل وړاندیزونه شریک کړل او د ګمرکونو اوعوایدو معین الحاج ملا محمد ناصر اخند له لوري دوي ته په چارو کي د بشپړ شفافیت رامنځته کولو په موخه لازمي سپارښتني وسوې.

خبر

د یادوني وړ ده، چي د ګمرکونو یو شمېر رئيسانو ته د هغوي د ښو خدمتونو ترسره کولو په موخه ستاینلیکونه هم ورکول سول.

وروستی خبرتیاوينور دلته

یکشنبه ۱۴۰۲/۷/۲ - ۱۶:۴۱
Background image

مالیې وزارت د شکایتونو اورېدلو خپلواک امریت رامنځته کړ

مالیې وزارت په چارو کي د لا روڼتیا رامنځته کولو او د مراجعینو، سوداګرو او کارکوونکو ستونزو او شکایتونو ته پر وخت او سمه توګه رسېدو، د هر ډول

دوشنبه ۱۴۰۲/۶/۲۷ - ۱۱:۴۷
Background image

 ماليې وزارت د گمرکونو لوی ریاست خبرتیا!

د مالیې وزارت د گمرکونو لوی ریاست په وړاندیز او د افغانستان اسلامي امارت د رئیس الوزراء عالي مقام د (۱۰۷۵) گڼي (۱۴۴۵-۲-۲۶) نېټې د حکم پر

شنبه ۱۴۰۲/۶/۲۵ - ۱۲:۱۹
Background image

 ګمرکونو لوی ریاست خبرتیا

د ماليې وزرات د ګمرکونو لوی ریاست ټولو هغو سوداګریزو شرکتونو ته، چي تر اوسه ئې د خپلو سوداګریزو توکو د ګمرکي طی مراحلو لپاره خپل رسمي

تازه خبرونه

پنجشنبه ۱۴۰۲/۶/۳۰ - ۱۳:۲۰
Background image

 تعرفې کمېټې د روان مالي کال دوهمه ناسته جوړه سوه

د تعرفې کمېټې د (۱۴۰۲) مالي کال دوهمه ناسته د ګمرکونو او عوایدو معین ښاغلي ملا عبدالقاهر ادریس په مشرۍ د یاد معینیت د غونډو په تالار کي

چهارشنبه ۱۴۰۲/۶/۲۹ - ۱۵:۵۹
Background image

د مالیې وزارت د خزاینو لوی ریاست د دوو قراردادي (NTA) بستونو تحریري ازموینه واخیسته

د مالیې وزارت کار اهل کار ته د سپارلو، په خپلو اړوندو ادارو کي د روڼتیا رامنځته کولو او د مسلکي کادرونو جذبولو ته ژمن دئ او تل ئې په دې برخه کي

سه‌شنبه ۱۴۰۲/۶/۲۸ - ۱۲:۳۵
Background image

د دولتي شرکتونو د ارزوني کمېټې د یو شمېر نورو دولتي شرکتونو له عملي چارو څخه ليدنه وکړه

د دولتي شرکتونو د عملي ليدنو او ارزونو په دوام؛ د مولوي احمد جان بلال په مشرۍ د دولتي شرکتونو د وضعیت ارزوني په موخه د جوړي سوي ځانګړي

BACK TO NEWS