په تېرو دوو اوونیو کي د هیواد په بېلابېلو ولایتونو کي یوه اندازه قاچاقي توکي نیول سوي دي!
د چنګاښ۱۰مه ۱۴۰۴هـ.ل
د مالیې وزارت د ګمرکونو لوی ریاست د ګرځنده څارني کارکوونکو په تېرو دوو اوونیو کي د نیمروز، کندهار او هلمند ولایتونو په بېلابېلو سیمو کي قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته وارد کړي.
په نیول سویو توکو کي (۲۸۹۸۷) کیلو ګرامه انساني او زراعتي درمل، (۳۹۹۲) کیلو ګرامه مالګه، (۱۵۰۰) کیلو ګرامه وچي شیدې، (۷۵۰۰) کیلو ګرامه اوړه، (۱۰۴۰) کیلو ګرامه د البسو له پاره ځنځیرونه، (۶۰۰) کیلو ګرامه چاکلېټ او (۱۹۰) کیلو ګرامه د مخ کریم شامل دئ.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.
