د مالیې وزارت او لوړو زده کړو وزارت سرپرستانو او د اسیا پراختیایي بانک رئیس په ټول هیواد کې د اتو دولتي پوهنتونونو په جوړیدو او پراخېدو خبرې وکړې

admin_mof
Thu, Mar 26 2020 9:28 AM
خبر

د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وري میاشتې په ۳ مه نېټه د لوړو زده کړو وزارت له سرپرست ښاغلي عبدالتواب بالاکرزي او د افغانستان لپاره د اسیا پراختیایي بانک رئیس ښاغلي نریندرا سنګرو، سره په مالیې وزارت کې ولیدل.
د لیدنې په مهال د ټول هیواد په کچه د اتو پوهنتونونو د جوړېدو او پراختیا په تړاو خبرې او د نظرونو تبادله وشوه.
د مالیې وزارت سرپرست وویل، چې دا پروژه د افغانستان لپاره حیاتي رول لري او د لوړو زده کړو پیاوړتیا د افغانستان حکومت د لومړیتوبونو په سر کې راځي. نوموړي زیاته کړه چې پروژې باید په ټاکلې موده کې پیل او پای ته ورسېږي.
د لوړو زده کړو وزارت سرپرست وویل، چې له نېکمرغه جلالتماب ولسمشر تېرکال د کب میاشتې په ۲۹ مه نېټه د نویو جوړېدونکو او رغېدونکو پوهنتونونو تشکیلات منظور کړل او ټینګار یې وکړ، چې ودانیزې چارې دي په ټاکلې موده کې پیل او بشپړي شي.
د پوهنتونونو په دې رغونه له ۱۵ تر ۲۰ میلیونه امریکایي ډالرو لګښت راځي او د ملي پراختیا شرکت پرمټ پلي کېږي.
د مالیې وزارت سرپرست وویل، چې د مالیې او لوړو زده کړو وزارتونو، اسیا پراختیایي بانک او پلي کوونکي شرکت ترمنځ دي ناسته وشي او په ناسته کې دي ټول تخنیکي اړخونه او مهال وېش ورته جوړ شي.

خبر

د یادونې وړده، چې " د لوړو زده کړو د زېربنا ملاتړ" پروژه د ټول هیواد په اتو پوهنتونونو کې ۱۸ زېربنایي برخې را نغاړي او د نیمروز، زابل، ارزګان، فراه، ډایکنډي، هلمند پوهنتونونه او د لوړو زده کړو مؤسسې او د افغانستان کرنیزو علومو او ټکنالوژۍ ملي پوهنتون، همدارنګه د کندهار پوهنتون د دې پروژې په لومړیتوب کې دي.

Latest news

Sun, Mar 22 2020 3:45 PM
Background image

Qatia Statement of Ordinary and Development Budget for FY-1398 Finalized

The Ministry of Finance finalized and approved the Qatia Statement for FY-1398 on March 22, 2020.

Under the Article 5 of the Constitution, Qatia Statement of the budget for the. . .

Sun, Mar 22 2020 3:08 PM
Background image

China to Provide Afghanistan theNecessary Equipment to Prevent Coronavirus Outbreak

H.E. Prof. Mohammad HumayonQayoumi, Acting Minister of Finance and Chief Advisor on Infrastructure Affairs to H.E. the President, met with Mr. Wang Yu, Chinese Ambassador to Kabul on. . .

BACK TO NEWS