د کندهار په محصولي ګمرک کي د (۵،۴) میلیونه افغانیو په ارزښت د لمریزي برېښنا سیسټم جوړ سو!
د غویي ۶مه ۱۴۰۴هـ.ل
د مالیې وزارت د ګمرکونو لوی ریاست د (۵،۴) میلیونه افغانیو په ارزښت د کندهار محصولي ګمرک له پاره د لمریزي برېښنا سیسټم جوړ او ګټي اخیستني ته وسپاره.
تر دې وړاندي د کندهار محصولي ګمرک برېښنا له دولتي او د جنراټور له برېښنا څخه چمتو کېده، چي ورځنی لګښت ئې شاوخوا (۱۹۵۴۰) افغانۍ، میاشتنی (۵۰۸۰۴۰) افغانۍ او کلنی لګښت ئې څه باندي شپږ میلیونه افغانۍ کېده.
د لمریزي برېښنا د سیسټم له فعالېدو سره به په کلني ډول په میلیونونو افغانۍ و سپمېږي او ترڅنګ به ئې تخنیکي ستونزي هم راکمي سي.
د یادولو ده، چي د یادي پروژې لګښت د مالیې وزارت له پراختیایي بودیجې څخه ورکول سوی او چاري ئې د یوه افغاني شرکت له لوري پلي سوي دي.
