د مالیې وزارت مسؤلینو د یوناما له استازو سره وکتل
د مالیې وزارت د پالیسۍ معینیت د همغږۍ، څارني او راپور ورکولو لوی ریاست سرپرست ښاغلي مطیع الله "مجددي"، په افغانستان کي د ملګرو ملتونو د معاونیت پلاوي (یوناما) د قانون د حاکمیت برخي له رئیس محترم سامویل «اپوکو اګیکوا» (Samuel Opoku-Agyakwa) سره د مالیې وزارت د پالیسۍ معینیت د څارني، ارزوني او راپور ورکولو رئیس محترم محمد موسی "کاموي" او د دغه معینیت د یو شمېر آمرینو په حضور کي وکتل.
په دې کتنه کي ګډونوالو له اداري فساد سره د مبارزې د ملي ستراتیژۍ د طرحي او په ځانګړي ډول د مالیې وزارت د بنچمارکونو په اړه بحث او د نظرونو تبادله وکړه.
محترم «سامویل» د اداري فساد سره د مبارزې او د عوایدو د زیاتوالي په برخه کي د افغانستان د اسلامي امارت لاسته راوړني وستایلې او د فساد سره د مبارزې د استراتېژۍ د طرحي په برخه کي د نړیوالو معیارونو په ځانګړي توګه د ملګرو ملتونو د کنوانسیون سره سم، د مالیې وزارت وستایه.
همدارنګه محترم "مجددي" د اداري فساد د مخنیوي، معیاری کولو، خصوصي سکټور د خدمتونو وړاندي کولو، د مالیاتي او ګمرکي عوایدو راټولولو او زیاتولو، د اسلامي امارت له پالیسۍ سره سم د قوانینو د تعدیل او د مراجعینو ستونزو ته د رسېدو په موخه د شکایتونو اورېدو د یوه ځانګړي دفتر پرانیستلو په اړه هر اړخیز معلومات وړاندي کړل.
په پای کي د مالیې وزارت او د یوناما د دفتر ترمنځ د اداري فساد پر وړاندي د مبارزې په برخه کي د معلوماتو او لاسته راوړنو د شریکولو په موخه د اړیکو پر دوام هوکړه وسوه.
