د کندهار ولایت د مستوفیت ۴۵ تنو کارکوونکو له پاره روزنیز پروګرام پیل سو!
د مالیې وزارت د ګمرکونو او عوايدو ملي اکاډمۍ د (۱۴۰۳هـ.ل) کال د ساحوي تدریسي پلان سره سم، د ساحوي روزنیزو پروګرامونو په لړ کي د کندهار مستوفیت ( ۴۵ ) تنو کارکوونکو له پاره د مالیاتی قوانینو، طرزالعملونو، مالیاتي محاسبې او مالیاتي سیسټمونو تر سرلیک لاندي (۱۵) ورځنی ښوونیز پروګرام پیل سو.
د دغه ښوونیز پروګرام موخه په یاده برخه کي د کارکوونکو ظرفیت لوړونه او د اداري چارو لا ښه پرمحتګ دئ، چي د (۱۵) ورځو په موده کي به ګډونوالو ته د مجربو ټرینرانو له لوري د نظري زده کړو تر څنګ عملي زده کړي هم ورکړل سي.
