د افغانستان او د امریکا متحده ایالتونو حکومتونو له افغانستان سره د امریکا متحده ایالتونو د غیر نظامي مرستو ګډه بررسي پیل کړه

farid_mof
سه‌شنبه ۱۳۹۸/۲/۲۴ - ۱۶:۴۱
US

د افغانستان او د امریکا متحده ایالتونو حکومتونو نن د غویې میاشتې په ۲۴ مه نېټه له افغانستان سره د امریکا متحده ایالتونو د مرستو ګډه بررسي پیل کړه. یاده بررسي چې د روانې میاشتې تر پایه به دوام وکړي د افغانستان حکومت اجرائیه رئیس ښاغلي ډاکټر عبدالله عبدالله، د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي محمد همایون قیومي او د مرکزي او جنوبي اسیا لپاره د امریکا متحده ایالتونو د بهرنیو چارو د وزیر مرستیالې اغلی آلیس ولز له لوري پیل شوه.

د غیرنظامي مرستو ګډه بررسۍ، د افغانستان ولسمشر جلالتمآب محمد اشرف غني په وړاندیز او د امریکا متحده ایالتونو په تائید تر سره کیږي چې د ستراتیژیکو همکاریو، د افغانستان حکومت د پراختیایې لومړیتوبونو سره همغږۍ، لاسته راوړنې او ستونزو پیژندلو په برخه کې تمرکز لري.

امریکا

د دې بررسي له مخې د روڼتیا، ځواب وینې او په افغانستان کې د امریکا متحده ایالتونو د غیر نظامي مرستو لومړیتوب ټاکلو، د افغانستان د بنسټونو او د خلکو هوساینې له ودې څخه ملاتړ کوي او دواړه اړخونه هوکړه کوي چې د امریکا غیر نظامي مرستې باید د افغانستان له خلکو څخه د ملاتړ او د ځان بسیاینې د پیاوړتیا لپاره دوام پیدا کړي.

د امریکا متحده ایالتونه د افغانستان حکومت سره په همغږۍ، د روغتیا، پوهنې،  اقتصادي ودې، انرژۍ، زیربنا سکټورونو همداشان د بشردوستانه او د کلتوري میراثونو د ساتنې په برخو کې غیر نظامي مرستې برابروي.

په افغانستان کې د امریکا پانګونه د افغانستان اقتصادي رفاه څخه د ملاتړ لپاره د نړیوالې ټولنې د هڅو په چوکاټ کې تر سره کیږي.

امریکا

د یادونې وړ ده چې د امریکا متحده ایالتونه او افغانستان د افغانستان ځان بسیاینې ته د رسیدو لپاره د نږدې همکاریو د دوام غوښتونکي دي.

تازه خبرونه

دوشنبه ۱۳۹۸/۲/۳۰ - ۱۵:۳۴
Background image

د افغانستان بیارغونې وجهي صندوق د مشرتابه کمېټې ناسته وشوه

د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، او د افغانستان لپاره د نړیوال بانک رئیس ښاغلي شبهام چوهدري، په ګډه مشرۍ او د. . .

یکشنبه ۱۳۹۸/۲/۲۹ - ۱۳:۲۹
Background image

له خصوصي شرکتونو سره د قرارداد اخیستو او تدارکاتي پروسو په اسانه کولو کې د روڼتیا رامنځته کېدو په موخه مشورتي ناسته وشوه

د مالیې وزارت اداري معینیت سرپرست ښاغلي عبدالحبیب ځدران په مشرۍ، د اداري او مالي چارو لوی رئیس ښاغلي محمد خان دانشجو، د اړوندو برخو رئیسانو، خصوصي شرکتونو او د مالیې وزارت قراردادیانو. . .

یکشنبه ۱۳۹۸/۲/۲۹ - ۱۳:۲۶
Background image

د مالیې وزارت مالي مرستیال د جاپان له شارژدافیر سره د دې هیواد د مرستو په ستراتېژۍ او روانو پروژو په پلي کېدو خبرې وکړې

د مالیې وزارت د مالي مرستیال ښاغلي زاهد همدرد، په مشرۍ، په افغانستان کې د جاپان سفارت سرپرست او شارژدافیر ښاغلي کیچي هارا، د یوولسو وزارتونو مرستیالانو او خپلواکو ادارو رئیسانو په ګډون. . .

BACK TO NEWS