د تورخم په ګمرک کي زیات شمېر قاچاقي ګرځنده ټلیفونونه نیول سوي!
د تورخم ګمرک د ټرانزیټ د تشرېح څانګي کارکوونکو په یوې سوداګریزي محموله کي (۱۲۸) عدده بېلابېل ډوله ځیرک ګرځنده ټلیفونونه، چي په ډېر مهارت سره ځای پر ځای سوي ول او قاچاق کوونکو غوښتل، چي په پټه ئې افغانستان ته راوړي کشف او ونیول.
یاد نیول سوي ټلیفونونه او تورن کس د نورو اجراآتو په موخه د ننګرهار ګمرک ته سپارل سوي.
د یادوني وړ ده، چي اوس مهال د هیواد په ټولو ګمرکونو کي د ممنوعه او قاچاقي توکو جدي څارنه کېږي او چاته اجازه نه ورکول کېږي، چي هر ډول توکي په غیر قانوني توګه ولېږدوي.
