د مالیاتي قوانینو او سیسټمونو له روزنیز ورکشاپ څخه یو شمېر مالیاتي محاسبینو د فراغت سند ترلاسه کړ
د مسلکي توب، ظرفیت لوړوني او په مالیاتي محاسبو کي د تجارانو لپاره د اسانتیا او شفافیت رامنځه ته کولو په موخه د مالیاتي قوانینو او سیسټمونو له روزنیز ورکشاپ څخه یو شمېر مالیاتي محاسبینو د فراغت سند ترلاسه کړ!
د مالیې وزارت د عوایدو لوی ریاست د حقوقي خدمتونو ریاست د عوایدو او ګمرکونو په ملي اکاډمۍ کي اته نوي (۹۸) مالیاتي محاسبینو ته د مالیاتي قوانینو، ټایس (TAIS) او سیګتاس (SIGTAS) سیسټمونو په تړاو دوه اونیز روزنیز ورکشاپ تر سره کړ، چي په دې اړه چمتو سوو اختتامیه مراسمو کي د عوایدو لوی ریاست عملیاتي مرستیال معراج محمد معراج، تخنیکي مرستیال عبدالولي نوري، د حقوقي خدمتونو رئیس ندا محمد صدیقي، د عوایدو لوی ریاست د مالیه ورکوونکو د خدمتونو رئیس عبدالقیوم نصیر او د مالیې وزارت د عوایدو او ګمرکونو ملي اکاډمۍ آمر بلال احمد احدي ګډون کړی وو.
په دې مراسمو کي ویناوالو په شفافیت، امانتدارۍ او وطن دوستۍ ټینګار وکړ.
په پای کي د مالیې وزارت د عوایدو لوی ریاست د مشرتابه له خوا مالیاتي محاسبینو ته د فراغت تصدیق پاڼي هم ورکړل سوې.
