د مالیې وزارت سرپرست د هرات ولایت د سوداګرۍ او پانګونې اتاق د مدیره پلاوي له رئیس سره لیدنه وکړه
د مالیې وزارت سرپرست محمد خالد پاینده، د هرات ولایت د سوداګرۍ او پانګونې اتاق د مدیره پلاوي له رئیس یونس قاضي زاده، سره ولیدل.
په دې لیدنه کې چې د یاد اتاق مرستیال هم ګډون درلود، دواړو لوریو د هرات ولایت د خصوصي سکټور په کلي وضعیت او سوداګرۍ ټولنې په ستونزو، د ستونزو د حل لارو په وړاندي کولو، د هرات ولایت په ګمرک کې شته ستونزو ته په رسېدو او یو شمېر نورو اړوندو مسایلو په تړاو بحث او خبرې وکړې.
د مالیې وزارت سرپرست، د دوی د ستونزو او وړانديزونو له اورېدو وروسته ژمنه ور سره وکړه، چې ستونزو ته به یې د هیواد نافذه قوانینو او مالي امکاناتو ته په کتو سره رسېده وشي.
