د مالیې وزارت سرپرست: د هغو پروژو کارې پروسې دې چټکې شي چې د اسیایې پراختیا بانک له لوري تمویلیږي
مالیې وزارت سرپرست او د زېربناء په چارو کې د ولسمشرۍ عالی مقام ستر سلاکار ښاغلي پروفیسور محمد همایون قیومي، د لړم میاشتې په ۲۱ مه نېټه د افغانستان لپاره د اسیایې پراختیا بانک له رئیس ښاغلي نرندار سنګرو، سره وکتل.
په دې لیدنه کې چې د ملي تدارکاتو رئیس او د اړوندو وزارتونو استازو هم ګډون درلود، هغه پراختیایې پروژې چې د اسیایې پراختیا بانک له لوري تمویلیږي تر ارزونې لاندې ونیول شوې، همداشان په دې ناسته کې د یادو پروژو په پرمختګونو، تدارکاتي ستونزو او حل لارو هر اړخیزې خبرې وشوې.
د مالیې وزارت سرپرست اړوندو ادارو ته هدایت ورکړ چې د هغو پروژو کارې پروسې دې چټکې شي چې د اسیایې پراختیا بانک له لوري تمویلیږي.
ه پای کې پریکړه وشوه چې د یادو پروژو د ستونزو ارزولو او د مناسبو حل لارو وړاندې په موخه په راتلوونکې کې همداشان غونډې جوړې شي.
