د ننګرهار په ګمرک کي د قاچاقو مخنیوی وسو
![خبر](/sites/default/files/2022-03/2.jpg)
تېره پنجشنبه، د کب میاشتي په ۱۹مه نېټه د ننګرهار ولایت ګمرک ته ورڅېرمه د پلټني او تالاشیو یا چک پوسټونو مدیریت کي د دې ګمرک د امنیتي مسؤلینو له لوري ګاونډي هیواد ته د موټرانو په ټيرونو او ماهیرانه ډول پټو سویو ځایونو کي يوه اندازه ميس، درمل، ښځينه وېښتیان او نور با ارزښته توکي چي په ناقانونه او قاچاقي توګه لېږدول کېدل نیول سوي دي.
د ننګرهار ولایت ګمرک د مسؤلینو په خبره په دې تړاو یو موټروان او د هغه موټر نیول سوي
، چي عدلی او قضایي ارګانونو ته د لازیاتو پوښتنو او ګروېږنو په موخه ور معرفي سوی دئ.
![خبر](/sites/default/files/inline-images/1_16.jpg)
د یادونې وړده، چي د اسلامي امارت له راتګ وروسته د ننګرهار او د هیواد په ټولو ګمرکونو کي اړوند مسؤلین ويښ، بیداره او د دې ډول پېښو رامنځته کېدو مخنیوي ته تل چمتو دي، چي د هیواد له شتمنیو او هیوادوالو له ملکیتونو په کله دفاع او ساتنه وکړي.