د ولایتي ګمرکونو د بیي ایښودني، تعرفې او لابراتوارونو د برخي له مسؤلینو سره انلاین ناسته وسوه!
د ګمرکونو لوی ریاست عملیاتي مرستیال نقیب الله عابد په مشرۍ د ولایتي ګمرکونو د بیي ایښودني، تعرفې او لابراتوارونو د برخي له مسؤلینو سره د ویډیو کنفرانس له لاري ناسته وسوه.
په دې ناسته کي، چي د بیي ایښودني رئیس، د تعرفې او د بیې ایښودنې آمرینو او یو شمېر نورو اړوندو کارکوونکو هم ګډون کړی وو، په ولایتي ګمرکونو کي د بیي ایښودني، تعرفې او لابراتوارونو په برخه کي پر شته ستونزو او حل لارو، په سمه توګه د بیي ایښودني له مېتودونو څخه پر ګټي اخیستني، په کاري ساحه کي د درو واړو برخو د مسؤلینو تر منځ په پوره همغږۍ او د یو شمېر نورو موضوعاتو په تړاو بحث او د نظرونو تبادله وسوه.
د ولایتي ګمرکونو د بیي ایښودني، تعرفې او لابراتوارونو د برخي مسؤلینو په خپل وار سره په اړوندو چارو کي خپلي سته ستونزي شریکي کړې، چي د ګمرکونو لوی ریاست د علمیاتي مرستیال او نورو مسؤلینو له لوري د ژر حل کېدو ډاډ ورکړل سو.
