د ګمرکونو او عوایدو معین د مس عینک کان د کیندني او پروسيس کمپنۍ له رئیس سره وکتل
د مالیې وزارت د ګمرکونو او عوایدو معین ملا عبدالقاهر (حاجي ادریس) په خپل کاري دفتر کي د مس عینک کان د کیندني او پروسيس کمپنۍ له رئیس (Song Wenbing) او مل پلاوي سره وکتل.
په دغه کتنه کي دواړو خواوو، د مس عینک کان کیندني د قرارداد پر مالیاتي مسایلو، د پروژې د پراختیا په مرحله کي د ګمرکي عوارضو پر معافیت، په ګمرکي پړاوونو کي د اسانتیاوو پر رامنځته کېدو او یو شمېر نورو موضوعاتو په اړه بحث او خبري وکړې.
د ګمرکونو او عوایدو معین د مس عینک کان د کیندني او پروسيس کمپنۍ رئیس ته ډاډ ورکړ، چي شته امکاناتو ته په کتو به له ټاکل سوو اصولو سره سم، د یادو موضوعاتو د حل په برخه کي پوره همکاري وکړي.
