له افغانستان سره به د سویس هېواد اقتصادي مرستې زیاتې او دوام پیدا کړي
د مالیې وزارت سرپرست محمد خالد پاینده، په مشرۍ، په افغانستان کې د سویس هېواد سفیرې او پراختیایي مرستو رئیسې مېرمن ډنزي، ورسره مل پلاوي او د مالیې وزارت د پالیسۍ مرستیال نذیر کبیري، هم حضور درلود، ناسته ترسره شوه.
په دې ناسته کې د افغانستان اسلامي جمهوریت له مشخص شویو لومړیتوبونو سره سم خلکو ته د بنسټیزو خدمتونو وړاندې کولو په موخه د سویس هېواد د مرستو په دوام خبرې او د نظرونو تبادله وشوه او په اړه یې لازمې پرېکړې وشوې.
په پای کې مېرمن ډنزي، د لوړ پوړي پلاوي (SOM) ناستې کنفرانس کې چې ټاکل شوې ده، د روان کال نوامبر په میاشت کې ترسره شي د خپل هېواد د پلاوي د ګډون ډاډ ورکړ.
