د غلام خان په سرحدي ګمرک کي د انساني ویښتانو له قاچاق څخه مخنیوی وسو
د غلام خان سرحدي ګمرک د محمولو د چک او پلټني اړوندو مسؤلینو د څه باندي یو ټن انساني ویښتانو له قاچاق څخه مخنیوی وکړ.
یاد ویښتان په هینو ډوله موټر کي د ډبرو سکرو لاندي، په ډېر مهارت سره ځای پرځای سوي وه او غوښتل ئې د غلام خان سرحدي ګمرک له لاري ئې پاکستان هیواد ته قاچاق کړي.
د یادوني وړ ده، چې د ا.ا.ا د رهبرۍ د هدایت له مخي د انساني ویښتانو کار و بار په مطلق ډول بند دئ او چاته اجازه نه ورکول کېږي، چي ویښتان له هیواد څخه صادر او یا ئې وارد کړي.