د ولایتي ګمرکونو د تشرېح او بررسۍ برخي کارکوونکو ته جوړ سوی ورکشاپ پای ته ورسېد!
د ولایتي ګمرکونو د تشریح او بررسۍ برخي کارکوونکو ته (۲۱) ورځنی ورکشاپ، چي د ګمرکونو او عوایدو په ملي اکاډمۍ کي جوړ سوی وو، پای ته ورسېد.
د یاد ورکشاپ په پای غونډه کي د ګمرکونو لوی ریاست د حقوقي چارو رئیس ښاغلي عبدالرحمن سجاد، د مالیې وزارت د وړتیا لوړلو او د ګمرکونو او عوایدو ملي اکاډمۍ آمرینو ګډون کړی وو.
د ګمرکونو لوی ریاست د حقوقي چارو رئیس په خپلو خبرو کي د یاد ورکشاپ د ارزښت بیانولو تر څنګ فارغینو ته سپارښتنه وکړه، چي زده کړل سوي موضوعات له خپلو همکارانو سره هم شریک کړي.
په دې ورکشاپ کي د ولایتي ګمرکونو د تشرېح او بررسۍ برخي (۲۲) تنه کارکوونکو ګډون کړی وو، چي د (۲۱) ورځو په موده کي په یادو برخو کي عملي او نظري روزنه ورکړل سوه.
د یادوني وړ ده، چي د یاد ورکشاپ ګډونوالو ته د ازمویني له اخیستلو وروسته د فراغت تصدیق لیکونه هم ورکړل سول.
